சிவகாசியில் பேனர் வைப்பதில் தகராறு - 9 பேர் மீது வழக்கு பதிவு

விருதுநகர் மாவட்டம், சிவகாசி அருகே நாரணாபுரம் சிவன்நகரை சேர்ந்தவர் சரவணக்குமார் மகன் முத்துசெல்வம் (19).இவரும் இவரது நண்பர் சித்தையாபாரதி (24) என்பவரும் அதே பகுதியில் உள்ள நண்பர் விஜயகுமார் என்பவரின் வீட்டில் இருந்து உள்ளனர்.அப்போது அங்கு வந்த முகிலன் என்பவர் பேனர் வைத்ததில் ஏற்பட்ட முன் விரோதம் காரணமாக 8 பேருடன் சேர்ந்து கத்தி,வாள்,கம்பால் தாக்கியதாக கூறப்படுகிறது. இதில் முத்துசெல்வத்துக்கும், சண்டையை தடுக்க வந்த சித்தையபாரதிக்கும் கத்தி வெட்டு விழுந்தது.இதில் ரத்த காயம் அடைந்த 2 வாலிபர்களையும் அருகில் இருந்தவர்கள் மீட்டு சிவகாசி அரசு மருத்துவமனையில் சேர்த்தனர். இந்த சம்பவம் குறித்து முகிலன்,சீனி,ராஜா, தங்கபாண்டி உள்ளிட்ட 9 பேர் மீது சிவகாசி கிழக்கு போலீசார் வழக்கு பதிவு செய்து தேடி வருகின்றனர்.