கருங்கலில் குமரி மாவட்ட அளவிலான பரதநாட்டிய போட்டிகள்

மகாகவி பாரதியாரின் பிறந்தநாள் விழாவை டிசம்பர் 11ஆம் தேதி சென்ற ஆண்டை போல் இந்த ஆண்டும் குமரி மாவட்ட இந்தியப் பாரம்பரிய கலை இலக்கியப் பேரவை கொண்டாட இருக்கிறது. மகாகவி பாரதியார் பிறந்தநாளை கொண்டாடும் விதமாக இந்த ஆண்டு குமரி மாவட்ட அளவிலான பரதநாட்டிய போட்டியை அந்த அமைப்பு நடத்த உள்ளது. வருகின்ற டிசம்பர் 9ஆம் தேதி கருங்கல் பகுதியில் உள்ள கல்லூரியில் இந்த போட்டி நடைபெற உள்ளது. இந்த போட்டியில் கலந்து கொள்ள ஆர்வம் உள்ளவர்கள் 9442008269 என்ற வாட்சப் எண்ணை தொடர்பு கொள்ளலாம். அந்த போட்டியில் வெற்றி பெறும் மாணவர்களுக்கு சான்றிதழ், கோப்பை மற்றும் ரொக்க பணமும் வழங்கப்பட உள்ளது. வெற்றி பெற்ற மாணவர்களுக்கு டிசம்பர் 11ஆம் தேதி தக்கலையில் அமைந்திருக்கின்ற பத்மநாதபுரம் கிளை நூலகத்தில் நடைபெறும் பாரதியார் பிறந்தநாள் விழா கொண்டாட்டத்தில் சிறப்பு பரிசு வழங்கப்பட உள்ளது. இவ்விழாவிற்கான ஏற்பாடுகளை இந்தியப் பாரம்பரிய கலை இலக்கியப் பேரவையின் தலைவர் சிவனி சதீஷ் மற்றும் அமைப்பு நிர்வாகிகள் செய்து வருகின்றனர்.