காங்கிரஸ் வேட்பாளருக்கு ஆதரவாக கூட்டணி கட்சியினர் வாக்கு சேகரிப்பு

விருதுநகர் பாராளுமன்ற தொகுதியில் போட்டியிடும் காங்கிரஸ் வேட்பாளர் மாணிக்கம் தாகூருக்கு ஆதரவாக இந்தியா கூட்டணி நிர்வாகிகள் தீவிர வாக்கு சேகரிப்பில் ஈடுபட்டு அதன்படி இன்று விசைத்தறி தொழிலாளர்கள், அரசு ஊழியர்கள் அதிகமாக வாழும் பகுதிகளான நெசவாளர் காலனி, அன்பு நகர், வீரலட்சுமி நகர், சத்தியவாணி முத்துநகர் காலனி, கலைஞர் நகர், மதுரை ரோடு, பெர்கின்ஸ் புரம் மற்றும் அதனை சுற்றியுள்ள பகுதிகளில் முன்னாள் நகர் மன்ற தலைவர் சிவப்பிரகாசம் தலைமையில் நகர்மன்ற துணைத் தலைவர் பழனிச்சாமி, நகர்மன்ற உறுப்பினர்கள் மற்றும் இந்தியா கூட்டணி நிர்வாகிகள் இணைந்து வீதி வீதியாக சென்று விசைத்தறி தொழிலாளர்கள், அரசு ஊழியர்கள், கடை வியாபாரிகள், கட்டட தொழிலாளிகள், கூலித் தொழிலாளர்கள் நேரில் சந்தித்து துண்டு பிரசுரங்கள் வழங்கி கை சின்னத்திற்கு வாக்குகள் சேகரித்தனர். மேள தாளங்களுடன் வீடு வீடாக வாக்கு சேகரிப்பில் ஈடுபட்டனர். இதில் இந்தியா கூட்டணி நிர்வாகிகள் ஏராளமானோர் கலந்து கொண்டனர்.