பொள்ளாச்சி திமுக வேட்பாளர் வேட்பு மனு தாக்கல்

தமிழகத்தில் வரும் 19ஆம் தேதி மக்களவைத் தேர்தல் நடைபெற உள்ள நிலையில் மாவட்ட ஆட்சித் தலைவர் அலுவலகம் மற்றும் உதவி தேர்தல் நடத்தும் அலுவலகங்களில் தேர்தல் நடத்தும் அதிகாரிகளிடம் மக்களவைத் தேர்தலில் போட்டியிடும் வேட்பாளர்கள் தங்களது வேட்பு மனுக்களை அளித்து வருகின்றனர்.

இதன் ஒரு பகுதியாக கோவை மாவட்டம் பொள்ளாச்சியில் பொள்ளாச்சி மக்களவைத் தொகுதியில் திமுக சார்பில் போட்டியிடும் வேட்பாளர் ஈஸ்வரசாமி பொள்ளாச்சி சார் அலுவலகத்தில் உதவி தேர்தல் நடத்தும் அலுவலர் கேத்தரின் சரண்யாவிடம் வேட்பு மனுவை தாக்கல் செய்தார். வேட்பாளர் ஈஸ்வர சாமி வேட்பு மனு தாக்கல் செய்தபோது உடன் திருப்பூர் தெற்கு மாவட்ட தலைவர் பத்மநாதன் மற்றும் மடத்துக்குளம் தொகுதி முன்னாள் சட்டமன்ற உறுப்பினர் ஜெயராமகிருஷ்ணன் உள்ளிட்டோர் உடன் இருந்தனர்.