சங்கரன்கோவிலில் திமுக ஆலோசனைக் கூட்டம்

சேலத்தில் நடைபெறவுள்ள திமுக இளைஞரணியின் 2ஆவது மாநாடு தொடா்பான தென்காசி வடக்கு மாவட்ட அவசர ஆலோசனைக் கூட்டம் சங்கரன்கோவிலில் நடைபெற்றது. வடக்கு மாவட்டச் செயலரான ராஜா எம்எல்ஏ பேசியதாவது: சேலத்தில் பிரமாண்டமாக நடைபெறவுள்ள இளைஞரணி மாநாட்டுக்கு தென்காசி வடக்கு மாவட்டத்திலிருந்து பங்கேற்போருக்கு வாகன வசதி, சேலத்தில் தங்கும் வசதி, உணவு உள்ளிட்ட வசதிகள் செய்யப்பட்டுள்ளன. மாநாட்டில், அனைத்து அணி நிா்வாகிகளும் பங்கேற்க வேண்டும். மாநாடு தொடா்பாக மக்களிடம் விழிப்புணா்வு துண்டுப் பிரசுரங்கள் வழங்க வேண்டும் என்றாா் அவா். இந்த கூட்டத்தில் தென்காசி திமுக வடக்கு மாவட்ட பொருளாளர் இல,சரவணன். சங்கரன்கோவில் நகர செயலாளர் பிரகாஷ் உள்ளிட்ட ஏராளமான திமுக கட்சி நிர்வாகிகளும் தொண்டர்களும் கலந்து கொண்டனர்.