தி.மு.க., துண்டுபிரசுரம் வழங்கல்

சின்னசேலம் அடுத்த பூண்டி கிராமத்தில் நடந்த நிகழ்ச்சிக்கு தி.மு.க., ஒன்றிய செயலாளர் சத்தியமூர்த்தி தலைமை தாங்கினார். ஊராட்சி தலைவர் பாண்டியன் முன்னிலை வகித்தார். ஒன்றிய பொருளாளர் சக்திவேல் வரவேற்றார். நிகழ்ச்சியில் தி.மு.க., தலைவர் ஸ்டாலின் முதல்வராக பொறுப்பேற்றதில் இருந்து தற்போது வரை நிறைவேற்றிய முக்கிய சாதனைகள் மற்றும் திட்டங்களின் விபரங்கள் அச்சிடப்பட்ட துண்டு பிரசுரங்களை பொதுமக்களுக்கு வழங்கி, லோக்சபா தேர்தலில் தி.மு.க., சார்பில் போட்டியிடும் வேட்பாளர்களுக்கு ஆதரவு திரட்டப்பட்டது. மேலும் வீடுகளில் ஸ்டாலினின் குரல் என்ற ஸ்டிக்கர் ஒட்டப்பட்டது. நிகழ்ச்சியில் தி.மு.க., ஒன்றிய துணை செயலாளர் கன்ரோஸ், மாவட்ட பிரதிநிதி பெரியசாமி, ஒன்றிய கவுன்சிலர் சுதாமணிகண்டன், ஒன்றிய இளைஞரணி துணை அமைப்பாளர் ஜெயசீலன், கிளை செயலாளர்கள் துரைமுருகன், வெங்கடாசலம், தகவல் தொழில்நுட்ப தொகுதி ஒருங்கிணைப்பாளர் மகேந்திரன் உட்பட பலர் கலந்து கொண்டனர்.