நாமக்கல்லில் இன்று திமுக செயற்குழு கூட்டம்!

நாமக்கல் கிழக்கு மாவட்ட திமுக செயலாளர் கே.ஆர்.என் ராஜேஸ்குமார் எம்.பி., வெளியிட்டுள்ள அறிக்கையில் கூறியுள்ளதாவது, நாமக்கல் கிழக்கு மாவட்ட திமுக செயற்குழுக் கூட்டம் இன்று  ஞாயிற்றுக்கிழமை (ஜூன் 23) காலை 10 மணிக்கு நாமக்கல் மோகனூர் சாலையில் உள்ள மாவட்ட திமுக அலுவலகத்தில் நடைபெறுகிறது. மாவட்ட அவைத்தலைவர் மணிமாறன் தலைமை வகிக்கிறார், வனத்துறை அமைச்சர் டாக்டர் மதிவேந்தன், சேந்தமங்கலம் சட்டமன்ற உறுப்பினர் பொன்னுசாமி எம்எல்ஏ , நாமக்கல் சட்டமன்ற உறுப்பினர் ராமலிங்கம் எம்எல்ஏ ஆகியோர் முன்னிலை வகிக்கின்றனர்.

மாவட்ட செயலாளர் ராஜேஸ்குமார் எம்.பி., கூட்டத்தில் கலந்துகொண்டு பேசுகிறார். கூட்டத்தில், வருகிற ஜூலை 10ம் தேதி விக்கிரவாண்டியில் நடைபெறும் சட்டசபை தேர்தல் பணியில் பங்கேற்பது குறித்தும், நடந்து முடிந்த நாமக்கல் தொகுதி பாராளுமன்ற தேர்தல் குறித்தும், நிர்வாக காரணங்களுக்காக ஒன்றியங்களை பிரிப்பது தொடர்பாகவும், மக்களுடன் முதல்வர் திட்ட நிகழ்ச்சிகள் குறித்தும் மற்றும் கட்சியின் வளர்ச்சிப் பணிகள் குறித்து கூட்டத்தில் விவாதித்து தீர்மானங்கள் நிறைவேற்றப்பட உள்ளன.கூட்டத்தில், முன்னாள் எம்.பிக்கள், எம்எல்ஏக்கள், தலைமைக் கழக நிர்வாகிகள், மாவட்ட, நகர, ஒன்றிய, டவுன் பஞ்சாயத்து நிர்வாகிகள், சிறப்பு அழைப்பாளர்கள், அனைத்து சார்பு அணிகளின் மாவட்ட நிர்வாகிகள் உள்ளிட்டோர் தவறாமல் கலந்துகொள்ள வேண்டும் என அறிக்கையில் தெரிவித்துள்ளார்.