செந்தாரப்பட்டியில் விபத்தில் பலியான அதிமுக பிரமுகருக்கு எடப்பாடி அஞ்சலி

கெங்கவல்லி: சேலம் மாவட்டம் கெங்கவல்லி வட்டம் தம்மம்பட்டி அருகே செந்தாரப்பட்டியைச் சேர்ந்தவர் அதிமுக நகர செயலாளர் பழனிச்சாமி. இவர் கடந்த 15ம் தேதி. விபத்தில் பலியானார். இதையொட்டி, அதிமுக பொதுச் செயலாளர் எடப்பாடி பழனிசாமி, அவரது படத்திற்கு நேரில் அஞ்சலி செலுத்தி, குடும்பத்தினருக்கு இரங்கல் தெரிவித்தார்.அதேபோல், முன்னாள் கவுன்சிலர் அரங்கராஜன் மறைவையொட்டி, அவரது குடும்பத்தினருக்கு ஆறுதல் கூறினார். இந்நிகழ்ச்சியின் போது, புறநகர் மாவட்ட செயலாளர் இளங்கோவன், எம்எல்ஏக்கள் நல்லதம்பி, ஜெயசங்கரன், ஒன்றிய செயலாளர்கள் ராஜா, ரமேஷ் மற்றும் பலர் உடனிருந்தனர்.