மினி பஸ் மோதி முதியவர் பலி

தூத்துக்குடி வஉசி நகரை சேர்ந்தவர் செல்வராஜ் (63). இவர் பிளம்பிங் தொழில் செய்து வருகிறார். இந்நிலையில் இன்று வேலைக்கு சென்று விட்டு சைக்கிளில் வீடு திரும்பி கொண்டு இருந்துள்ளார். புதிய பேருந்து நிலையம் அருகே வரும்போது மேம்பாலத்தின் கீழே வேகமாக வந்த மினி பேருந்து செல்வராஜ் வந்த சைக்கிள் மீது மோதியுள்ளது.

இதில் நிலைதடுமாறி கீழே விழுந்த அவர் மீது பேருந்தின் சக்கரம் ஏறியதில் சம்பவ இடத்திலேயே உடல் நசுங்கி பரிதாபமாக இறந்தார். இந்த சம்பவம் குறித்து வடபாகம் காவல்துறையினர் வழக்குப் பதிந்து விசாரணை நடத்தி வருகின்றனர். தூத்துக்குடி மாநகரப் பகுதியில் அதிவேகமாக வரும் மினி பேருந்துகள் மீது நடவடிக்கை எடுக்க வேண்டும் என சமூக ஆர்வலர்கள் கோரிக்கை விடுத்துள்ளனர்.