சிவகாசியில் அதிமுக சார்பாக நிர்வாகிகள் ஆலோசனை கூட்டம்

விருதுநகர் மாவட்டம் சிவகாசியில் விருதுநகர் பாராளுமன்ற தொகுதி அதிமுக மகளிர் அணி நிர்வாகிகள் ஆலோசனைக் கூட்டம் நடைபெற்றது. விருதுநகர் பாராளுமன்ற தொகுதிக்கு உட்பட்ட மாவட்ட மகளிர் அணி சார்பாக நடைப்பெற்ற மாவட்ட மகளிர் அணி செயலாளர் சுபாஷினி தலைமையில் நடைப்பெற்ற கூட்டத்தில் அதிமுக அமைப்பு செயலாளரும் முன்னாள் அமைச்சருமான கே.டி. ராஜேந்திரபாலாஜி கலந்துகொண்டு அதிமுக நிர்வாகிகளுக்கு வேஷ்டி சேலைகளை வழங்கி பாராளுமன்ற தேர்தலின் போது எவ்வாறு பணியாற்ற வேண்டும் என்று விளக்கமாக பேசினார். அப்போது அவர் பேசியதாவது, வருகின்ற பாராளுமன்ற தேர்தலில் அதிமுக கூட்டணியில் எந்த கட்சி வேட்பாளர் போட்டியிட்டாலும் அவரது வெற்றிக்கு முழு மூச்சாக உழைக்க வேண்டும்,தேர்தல் பணிகளை தற்போது தொடங்க வேண்டும்.விருதுநகர் பாராளுமன்ற தொகுதியில் சிவகாசி,சாத்தூர், அருப்புக்கோட்டை, விருதுநகர் ,திருப்பரங்குன்றம், திருமங்கலம் ஆகிய ஆறு தொகுதியில் உள்ளன. இந்த ஆறு தொகுதிகளில் சிவகாசி தொகுதியில் அதிமுக வேட்பாளர் அதிக வாக்குகள் பெற வேண்டும். நான்கு சுவற்றுக்குள் அமர்ந்து தேர்தல் கருத்து கணிப்புகளை பேக்கேஜ் மூலம் உருவாக்குகின்றனர் என்றார். இந்நிகழ்ச்சி மாவட்ட மகளிர் அமைப்பை சேர்ந்த நிர்வாகிகள் கலந்து கொண்டனர்.