விவசாயி நெஞ்சு வலியால் திடிரென பலி !

உளுந்துார்பேட்டை அடுத்த இருந்தை பகுதியைச் சேர்ந்தவர் ஏழுமலை, 60; விவசாயியான இவர் நேற்று காலை தனது நிலத்தில் விளைந்த 26 நெல் மூட்டைகளை உளுந்துார்பேட்டை மார்க்கெட் கமிட்டிக்கு கொண்டு வந்தார். இவர் நெல் மூட்டைகளை எடைப்போட்டுவிட்டு எடை சீட்டு வாங்குவதற்காக காத்துக் கொண்டிருந்தார். மதியம் 2:00 மணி அளவில் அவருடன் வந்திருந்த கண்ணனிடம், 58; நெஞ்சு வலிப்பதாக கூறி மயக்கமுற்று கீழே விழுந்தார். உடன் அருகில் இருந்தவர்கள் அவரை உளுந்துார்பேட்டை அரசு மருத்துவமனையில் சேர்த்தனர். அங்கு பரிசோதித்த டாக்டர்கள் ஏழுமலை, ஏற்கனவே இறந்துவிட்டதாக தெரிவித்தனர். இதனால் அங்கு பரபரப்பு ஏற்பட்டது. உளுந்துார்பேட்டை போலீசார் வழக்குப் பதிந்து விசாரணை செய்து வருகின்றனர்.