லாரி மீது மோட்டார் சைக்கிள் மோதி விவசாயி பலி

தலைவாசல் அருகே சிறுவாச்சூர் அண்ணா நகர் வடக்கு தெருவை சேர்ந்தவர் சின்னசாமி (வயது 50). விவசாயி. இவர் கடந்த 23-ந் தேதி மோட்டார் சைக்கிளில் சிறுவாச்சூருக்கு சென்றுவிட்டு வீடு திரும்பி வந்து கொண்டிருந்தார். அப்போது பாரதி நகர் கோழிக்கடை வளைவில் முன்னால் சென்ற லாரி மீது மோட்டார் சைக்கிள் மோதியது.

இந்த விபத்தில் தலையில் பலத்த காயம் அடைந்த சின்னசாமியை அக்கம் பக்கத்தினர் மீட்டு 108 ஆம்புலன்ஸ் மூலம் ஆத்தூர் அரசு ஆஸ்பத்திரியில் சேர்த்தனர்.பின்னர் அவர் மேல் சிகிச்சைக்காக சேலம் அரசு ஆஸ்பத்திரியில் அனுமதிக்கப்பட்டார்.

அங்கு சிகிச்சை பலனின்றி நேற்று காலை சின்னசாமி இறந்தார். இந்த சம்பவம் தொடர்பாக தலைவாசல் போலீஸ் இன்ஸ்பெக்டர் சாவித்திரி வழக்குப்பதிந்து விசாரணை நடத்தி வருகிறார். விபத்தில் பலியான சின்னசாமிக்கு சசிகலா என்ற மனைவியும், ஒரு மகன், மகள் உள்ளனர்.