கொலை வழக்கில் தொடர்புடைய நான்கு பேர் குண்டர் சட்டத்தில் கைது

திருவாரூர் மாவட்டம் வலங்கைமான் பகுதியைச் சேர்ந்தவர் செந்தில். இவர் கொலை வழக்கு தொடர்பாக கோர்ட்டில் ஆஜராகிவிட்டு கீழஉத்தரங்குடி அருகே காரில் தனது வக்கீல் அகிலன் என்பவர் உடன் வந்து கொண்டிருந்ததாக கூறப்படுகிறது. அப்பொழுது மர்ம நபர்கள் அவர்களை வழிமறித்து செந்திலை வெட்டி கொலை செய்தனர் . வக்கீல் அகிலனுக்கும் பலத்த காயம் ஏற்பட்டுள்ளது. இது குறித்து குடவாசல் காவல் நிலையத்தில் வழக்கு பதிவு செய்து 18 பேரை கைது செய்து சிறையில் அடைத்தனர். இதில் முக்கிய குற்றவாளியாக கருதப்பட்ட வலங்கைமான் பகுதியைச் சேர்ந்தவர்கள் குணா என்ற ராஜ்குமார், முத்தையன் என்ற மணிகண்டன் ,கார்த்திகேயன் மற்றும் ஜெயராஜ் ஆகிய நான்கு பேரும் மீது குண்டர் தடுப்பு சட்டத்தின் கீழ் கைது செய்து சிறையில் அடைத்தனர்.