சேலத்தில் இலவச கைப்பந்து பயிற்சி முகாம்

தமிழ்நாடு மாநில கைப்பந்து கழகம், சேலம் மாவட்ட கைப்பந்து கழகம், சிறைத்துறை ஆகியவை இணைந்து மாநில அளவில் மாணவ, மாணவிகளுக்கான இலவச கைப்பந்து பயிற்சி முகாம் சேலம் அஸ்தம்பட்டி சிறை வளாகத்தில் உள்ள மைதானத்தில் நடந்தன.

மாவட்ட கைப்பந்து கழக ஆலோசகர் விஜயராஜ் தலைமை தாங்கி முகாமை தொடங்கி வைத்தார். இதில் மாணவ, மாணவிகள் பலர் கலந்து கொண்டனர். இந்த பயிற்சி முகாம் வருகிற 28-ந் தேதி வரை நடக்கிறது. பயிற்சியில் கலந்து கொள்பவர்களுக்கு இலவச சீருடை, பதக்கம் மற்றும் சான்றிதழ் வழங்கப்படுகிறது.

இந்த நிகழ்ச்சியில் கைப்பந்து கழக செயலாளர் சண்முகவேல், பொருளாளர் விஜயகுமார், துணைத்தலைவர்கள் ராஜாராம், அகிலாதேவி, தனசீலன், ராஜேந்திரன், இணை செயலாளர்கள் வடிவேல், வேங்கையன், துணை செயலாளர்கள் ஹரிகிருஷ்ணன், அப்புராஜ், கண்ணன், பயிற்சியாளர் பரமசிவம் உள்பட பலர் கலந்து கொண்டனர்.