பாபநாசம் புதிய பேருந்து நிலையத்தில் ராட்சத பலூன்

பாபநாசம் புதிய பேருந்து நிலையத்தில் தேர்தல் விழிப்புணர்வு வாசகங்களுடன் ராட்சத பலூன் தஞ்சாவூர் மாவட்டம் பாபநாசம் புதிய பேருந்து நிலையத்தில் உள்ள பேரூராட்சி வணிக வளாக கட்டிடத்தில் வருகின்ற நாடாளுமன்ற பொதுத்தேர்தலை முன்னிட்டு 100 சதவீதம் வாக்களிப்பு குறித்து வாக்காளர்களிடையே விழிப்புணர்வு ஏற்படுத்தும் வகையில் ராட்சத பலூனை மயிலாடுதுறை பாராளுமன்ற தொகுதிக்குட்பட்ட பாபநாசம் சட்டமன்றத் தொகுதி உதவி தேர்தல் நடத்தும் அலுவலர் முத்துகிருஷ்ணன், பாபநாசம் வட்டாட்சியர் மணிகண்டன் ஆகியோர்கள் பலூனை பறக்க விட்டனர். இந்த பலூன் தரையிலிருந்து 100 அடி உயரத்தில் பறக்கவிடப்பட்டு, வாக்காளர்களிடையே விழிப்புணர்வு ஏற்படுத்தப்பட்டு வருகின்றது. பாராளுமன்ற தேர்தலில் 18 வயது பூர்த்தியடைந்த அனைவரும் 100 சதவீத வாக்குப்பதிவை செலுத்திட வலியுறுத்தும் வகையில் பல்வேறு சிறப்பு விழிப்புணர்வு முயற்சிகள் மேற்கொள்ளப்பட்டு வருகின்றது.