சொகுசு காரில் ஆடுகள் திருட்டு - சிசிடிவி வைரல்

சேலம் மாவட்டம் ஆத்தூர் அருகே சீலியம்பட்டி பகுதியில் வசித்து வருபவர் கந்தசாமி இவர் தனது விவசாயத் தோட்டத்தில் கொட்டகையில் ஆடு மாடு வளர்த்து வருகிறார். இரவு ஆடுகளுக்கு உணவு வைத்து விட்டு சென்ற நிலையில் காலை ஆட்டு கொட்டகையில் சென்று பார்க்கும் போது ஆடுகள் இல்லாதது கண்டு அதிர்ச்சி அடைந்தார்.

அக்கம் பக்கத்தில் கந்தசாமி விசாரணை மேற்கொண்ட போது இதே போல் ஈச்சம்பட்டியில் சகுந்தலா என்பவரது விவசாயி தோட்டத்தில் உள்ள ஆடு கீரிப்பட்டி பகுதியில் இரண்டு ஆடுகள் தாளவுத்து பகுதியில் இரண்டு ஆடுகள் என ஆறு ஆடுகளுக்கு மேல் திருடு போனது தெரிய வந்தது.

இதனை எடுத்து விவசாயிகள் மல்லியகரை காவல் நிலையத்தில் புகார் அளித்தனர். மேலும் சீலியம்பட்டி பிரிவு பகுதியில் வசித்து வரும் கந்தசாமி வீட்டில் சிசிடிவி கேமரா பொருத்தப்பட்டிருந்த நிலையில் அந்த கேமரா காட்சிகளை ஆய்வு மேற்கொண்ட போது சொகுசு காரில் மர்மநபர்கள் வந்து ஆடுகளை திருடிச் செல்லும் காட்சி பதிவாகி உள்ளது. இந்த சிசிடிவி வீடியோ தற்போது வெளியாகி வைரலாகி வருகிறது. காவல்துறையினர் சிசிடிவி காட்சி அடிப்படையில் ஆடுகளை திருடும் கும்பலை வலைவீசி தேடி வருகின்றனர்.