அரசு பேருந்து கவிழ்ந்து விபத்து : 3பேர் காயம்!

நெல்லையில் இருந்து முனைஞ்சிப்பட்டி, காரியாண்டி, வெங்கட்ராயபுரம், கொம்பன்குளம், சாத்தான்குளம் வழியாக ஆற்றங்கரை பள்ளிவாசல் செல்ல அரசு பேருந்து இன்று வந்து கொண்டிருந்தது. பேருந்தை ஓட்டுநர் திரவியம் ஒட்டினர். நடத்துனர் மாயாண்டி உள்ளிட்ட 10க்கு மேற்பட்ட பயணியர்கள் பேருந்தில் இருந்தனர். பேருந்து காலை 11 மணி அளவில் வெங்கட்ராயபுரம் - கொம்பன்குளம் இடையே வரும் போது சாலை வளைவில் பள்ளங்கள் இருந்ததால் திடீரென கட்டுப்பாட்டை இழந்து சாலையோர பள்ளத்தில் கவிழ்ந்தது. இதில் நடத்துனர் உள்ளிட்ட 3பேர் லேசான காயமடைந்து சாத்தான்குளம் அரசு மருத்துவமனையில் சிகிச்சை பெற்றனர். இந்த சம்பவம் அப்பகுதியில் பெரும் பரபரப்பை ஏற்படுத்தியது.