தோட்டங்களில் பண்ணைக்குட்டைகள் அமைக்க ஆர்வம் !

பழநி பகுதியில் விவசாயத்தில் தென்னை சாகுபடி முக்கியமானதாக உள்ளது. கோடை காலங்களில் முறையான நீர் நிர்வாகத்தை கடைபிடிக்கா விட்டால் தென்னை மரங்களில் குரும்பை உதிர்தல் போன்ற பிரச்சனைகள் ஏற்படும். குறிப்பிட்ட இடைவெளிகளில் தண்ணீர் பாய்ச்சாவிட்டால் மரங்கள் கருகும் சூழ்நிலையும் ஏற்படும். கோடை காலங்களில் கிணறு மற்றும் ஆழ்குழாய் கிணறுகளில் நீர்மட்டம் குறைவதால் மரங்களுக்கு தேவையான தண்ணீர் பாய்ச்சுவதில் சிரமம் உண்டாகிறது. எனவே, தென்னந்தோப்புகளில் நீர் நிர்வாகத்திற்காக விவசாயிகள் பல்வேறு முன்னெச்சரிக்கை நடவடிக்கைகள் எடுத்து வருகின்றனர்.