நகை கடையில் திருட்டு - பெண் உட்பட 2 பேர் கைது

ஜெயங்கொண்டத்தில் கடைவீதியில் உள்ள நகைக்கடை ஒன்றில் ஒரு ஆணும் பெண்ணும் சென்று நகை வாங்குவது போல் சென்று பார்த்துவிட்டு  4 கிராம் கொண்ட மோதிரத்தை திருடி சென்றுள்ளனர். நகை பார்த்த இருவரும் நகை வாங்காமல் வெளியே சென்றதும் கடையில் அவர்களிடம் காட்டிய 4 கிராம் மோதிரம் ஒன்றையும் காணாமல் போனதும் தெரிய வந்தது.

உடனடியாக ஜெயங்கொண்டம் போலீசாருக்கு தகவல் தெரிவிக்கப்பட்டு கடை உரிமையாளர் பாண்டியன் மகன் சூர்யா (23) என்பவர் கொடுத்த புகாரின் பேரில் வழக்கு பதிவு செய்து விசாரித்தனர். நேற்று மாலை ஜெயங்கொண்டம் அருகே கழுவந்தோண்டி பாலத்தின் அருகில் வாகன சோதனையில் ஈடுபட்டிருந்த போது சந்தேகத்திற்கு இடமாக டூவீலரில் வந்த இருவரையும் நிறுத்தி விசாரணை செய்ததில் அவர்கள் இருவரும் தான் நகைக்கடையில் மோதிரத்தை திருடியது என்பது தெரிய வந்தது.

மோதிரத்தை வாங்கி பார்த்த ஒரு ஆண் திருத்துறைப்பூண்டி கட்டிமேடு கிராமத்தைச் சேர்ந்த கதிர்வேல் மகன் குபேந்திரன் (42) என்பதும் மற்றும் ஒரு பெண் திருவாரூர் மாவட்டம் குடவாசல் தாலுக்கா கோட்டக்குடி கிராமத்தை சேர்ந்த முருகானந்தம் மனைவி தனலட்சுமி (42) என்பது தெரியவந்தது. ஜெயங்கொண்டம் சப் இன்ஸ்பெக்டர் செல்வையன் இருவரையும் கைது செய்து அவர்கள் திருடிய 20 ஆயிரம் மதிப்புள்ள 4 கிராம் மோதிரத்தை பறிமுதல் செய்தனர். மேற்கொண்டு அவர்களிடம் விசாரணை செய்து வருகின்றனர்.