கண்ணதாசன் தமிழ் வளர்ச்சி அறக்கட்டளை சார்பில் முப்பெரும் விழா!

ராணிப்பேட்டை மாவட்டம் நெமிலியை அடுத்த சயனபுரம் பகுதியில் அமைந்துள்ள விவேகானந்தா மெட்ரிக் மேல்நிலை பள்ளி வளாகத்தில் நெமிலி கவியரசு கண்ணதாசன் தமிழ் வளர்ச்சி அறக்கட்டளை சார்பில் முப்பெரும் விழா நடந்தது. சிறப்பு விருந்தினராக ராமசாமி கண்ணதாசன் கலந்துகொண்டார்.

விழாவில் கவியரசு கண்ணதாசனின் 98-வது பிறந்தநாள் விழா, உலக அன்னையர் தின விருது வழங்குதல், தமிழறிஞர்களுக்கு கவியரசு கண்ணதாசன் விருது வழங்குதல் என முப்பெரும் விழா நடைபெற்றது. முன்னதாக பள்ளி மாணவிகள் கவியரசு கண்ணதாசன் வாழ்க்கை வரலாறு பற்றி பேசினர். பின்பு கண்ணதாசன் பாடல்கள் பற்றி பட்டிமன்றமும், இன்னிசை நிகழ்ச்சியும் நடைபெற்றது.