குமரி : வீடு புகுந்து நகைதிருடிய வாலிபர் கைது

குமரி மாவட்டம் தென்தாமரைகுளம் போலீசார்  நேற்று காலையில் கீழமணக்குடி பகுதியில் வாகனத் தணிக்கை செய்து கொண்டிருந்தனர். அப்போது நம்பர் பிளேட் இல்லாமல் ஒரு நபர் இருசக்கர வாகனத்தில் அந்த வழியாக வந்தார். அவரை மறித்து பிடித்து விசாரணை செய்தபோது போலீசாரிடம் அந்த நபர் முன்னுக்குப் பின் முரணாக பேசியதாக தெரிகிறது. போலீசார் அந்த நபரை காவல் நிலையம் அழைத்து வந்து விசாரணை செய்தனர். விசாரணையில் அந்த நபர் கீழ முட்டம் பகுதியைச் சேர்ந்த சகாய ஜோஸ் ஆண்டனி (23 )என்பதும், இவர் தற்போது அம்மாண்டிவிளை பகுதியில் உள்ள கட்டைகாட்டில் வசித்து வருவதும், கீழமணக்குடியில் உள்ள ஜஸ்டின் மேரி என்பவரது வீட்டில் நகை திருடினார் என்பதும் தெரிய வந்தது. அவரிடம் மேலும் விசாரணை செய்த போது அவர் பல்வேறு வழக்குகளில் சம்பந்தப்பட்டிருப்பதும் தெரியவந்தது. அவர் கொடுத்த தகவலின் அடிப்படையில் போலீசார் அவரிடம் இருந்த 12.5 பவுன் தங்க நகைகளை பறிமுதல் செய்து சகாய ஜோஸ் ஆண்டனியை கைது செய்து நாகர்கோவில் நீதிமன்றத்தில் ஆஜர் படுத்தி  சிறையில் அடைத்தனர்.