கும்பாபிஷேக விழா ஆலோசனைக் கூட்டம்

நாமக்கல் மாவட்டம் குமாரபாளையம் அனைத்து சமூக  காளியம்மன் திருக்கோவில் கும்பாபிஷேக விழா ஜன. 21ல்  நடைபெற உள்ளது.   கோவில் நிர்வாகம் சார்பில் கும்பாபிஷேக நிகழ்ச்சியை சிறப்பாக நடத்திட ஆலோசனைக் கூட்டம், கமிட்டி தலைவர் .ரகுநாதன் தலைமையில் கோவில் வளாகத்தில் நடந்தது.  வடக்கு நகர தி.மு.க செயலாளர் மற்றும் நகராட்சி  தலைவர்  விஜய்கண்ணன், தெற்கு நகர தி.மு.க செயலாளர்  ஞானசேகரன் சிறப்பு அழைப்பாளர்களாக பங்கேற்றனர். இதில் யாகசாலை அமைப்பது, அன்னதானம், தீர்த்தக்குடங்கள்  ஊர்வலம், முக்கிய விருந்தினர்களை வரவேற்பது, குமாரபாளையம் நகர பொதுமக்களுக்கு அழைப்பிதழ் கொடுப்பது உள்ளிட்டவைகளுக்கு குழு அமைப்பது என  தீர்மானிக்கப்பட்டது. இக்கூட்டத்தில் கமிட்டி உறுப்பினர்கள், பொறுப்புக்குழு உறுப்பினர்கள், நகர மன்ற உறுப்பினர்கள், குண்டம் பராமரிப்பு குழு உறுப்பினர்கள் மற்றும் பொதுமக்கள் பங்கேற்றனர்.