திரு இருதய ஆண்டவர் கல்லூரியில் ஒளி விளக்கு, உறுதிமொழி ஏற்பு விழா

கும்பகோணம், முத்துப்பிள்ளைமண்டபம் திரு இருதய ஆண்டவர் செவிலியர் கல்லூரி, செவிலியர் பயிற்சி பள்ளி மற்றும் பாராமெடிக்கல் பயிற்சி கல்லூரிகளின் 15-ம் ஆண்டு ஒளி விளக்கு மற்றும் உறுதிமொழி ஏற்கும் விழா நிர்வாகி அருள்சகோதரி ஆலிஸ் பிரான்சிஸ் முன்னிலையில் நடைபெற்றது . கல்லூரி இயக்குனர் அருட்தந்தை T.தேவதாஸ்  இந்நிகழ்ச்சியில் கலந்துகொண்ட ஆயர், சிறப்பு விருந்தினர்கள், அருட்தந்தையர்கள், அருள்சகோதரிகள் துணை முதல்வர், பேராசிரியர்கள், மாணவிகள் மற்றும் பெற்றோர்கள் உட்பட அனைவரையும் வரவேற்றார்.

கும்பகோணம் மறைமாவட்டத்தின் ஆயர் முனைவர் மேதகு. ஜீவானந்தம் அமலநாதன் அவர்கள் மற்றும் திருச்சி ஹோலி கிராஸ் கல்லூரி முதலவர் அருள்சகோதரி முனைவர். இசபெல்லா ராஜகுமார் சிறப்பு விருந்தினர்களாக கலந்துகொண்டு குத்துவிளக்கேற்றி விழாவைத் தொடங்கி வைத்து முதலாம் ஆண்டு மாணவியருக்கு ஒளி விளக்கினை வழங்கினார்கள். இதைத்தொடர்ந்து மேதகு ஆயர் ஆசியுரையும் , அருள்சகோதரி முனைவர். இசபெல்லா ராஜகுமாரி சிறப்புரை வழங்கினார்கள் இதைத்தொடர்ந்து செவிலியர் கல்லூரி முதல்வர் வசந்தா வாசிக்க ப்ளாரன்ஸ் நைட்டிங்கேள் அம்மையாரின் உறுதிமொழி ஏற்கப்பட்டது. இவ்விழாவில் கலந்துகொண்ட அனைவருக்கும் திரு இருதய ஆண்டவர் பாராமெடிக்கல் கல்லூரி முதலவர் டயானா மேரி நன்றி தெரிவித்து கொண்டார். இந்நிகழ்ச்சிக்கான ஏற்பாடுகளை திரு இருதய ஆண்டவர் பொது மருத்துமனை மற்றும் செவிலியர் கல்லூரி நிர்வாகம் செய்திருந்தது.