மானாமதுரை கொலை வழக்கில் சிறுவர் உட்பட 8 பேர் கைது

மானாமதுரை அருகே பாப்பாமடையில் நடந்த இளைஞர் கொலை வழக்கில் சிறுவர் உட்பட 8 பேர் கைது செய்யப்பட்டனர்.

மானாமதுரை அருகே கிருங்காங்கோட்டை கிராமத்தைச் சேர்ந்த கலைவாணன், பழனி, மற்றும் மருது பாப்பாமடையில் பேசிக்கொண்டிருந்தனர். அப்போது அங்கு ஆயுதங்களுடன் வந்த கும்பல் ஒன்று 3 பேரையும் வெட்டியதில் மருது உயிரிழந்தார். வெட்டுக்காயம் பட்ட கலைவாணன் மற்றும் பழனி ஆகியோர் மதுரை தனியார் மருத்துவமனையில் சிகிச்சை பெற்று வருகின்றனர்.

இது குறித்து வழக்குப்பதிவு செய்த போலீசார் விக்னேஸ்வரன், விஜய், பாலாஜி , ராம கிருஷ்ணன் (எ) ராமர், மணிமூர்த்தி, துளசிராம், அழகர், மற்றும் 17 வயது சிறுவன் உட்பட 8 பேரை கைது செய்து விசாரணை நடத்தினர்.