மக்களுடன் முதல்வர் திட்ட முகாம்

திண்டுக்கல் மாநகராட்சி சார்பில் நேருஜி மாநகராட்சி மேல்நிலைப் பள்ளியில், மக்களுடன் முதல்வர் சிறப்பு முகாம் நேற்று நடைபெற்றது. இதில் மேயர் இளமதி ஜோதி பிரகாஷ் துணை மேயர் ராஜப்பா ஆகியோர் தலைமை வகித்தனர். ஆணையர் ரவிச்சந்திரன், மாநகர செயற்பொறியாளர் சுப்பிரமணியன் முன்னிலை வகித்தனர். இம்முகாமில். 11, 12, 22, 27, 28 உள்ளிட்ட வார்டுகளை சேர்ந்த பொதுமக்கள், கோரிக்கை மனுக்களை வழங்கினர். அங்கிருந்த அதிகாரிகள் மனுக்களில் உள்ள பிரச்னைகளை கணினியில் பதிவு செய்தனர்.