மனைவியின் கழுத்து அறுத்து கொலை செய்த கணவன் கைது

தர்மபுரி மாவட்டம், மாரண்டஅள்ளி அருகே உள்ள குண்டு பள்ளம் கிராமத்தை சேர்ந்தவர் சிவலிங்கம். இவர் மாட்டு வியாபாரி இவருடைய மனைவி கனகா, சிவலிங்கத்திற்கு மது அருந்தும் பழக்கம் இருந்ததாக கூறப்படுகிறது. இதனால் கணவன் மனைவியுடைய தகராறு ஏற்பட்டு வந்த நிலையில் நேற்று இரவு மது குடித்துவிட்டு தோட்டத்தில் வேலை செய்து கொண்டிருந்தார். அப்போது கணவன் மனைவி இடையே தகராறு ஏற்பட்ட நிலையில் சிவலிங்கம் மனைவியை உலக்கையால் அடித்ததில் கனகா மயங்கி உள்ளார்.

இருந்தும் ஆத்திரம் தீராமல் மனைவியின் கழுத்தை கொடுவளால் அறுத்துள்ளார். இதனால் கனகா துடிதுடித்து சம்பவ இடத்திலேயே உயிரிழந்தார். இதனை அடுத்து அங்கிருந்து தப்பி ஓடிவிட்டார். சிவலிங்கம் இது குறித்து தகவல் அறிந்து சம்பவ இடத்திற்கு வந்த மாரண்டஹள்ளி காவல்துறையினர் கனகாவின் உடலை பிரேத பரிசோதனைக்காக அரசு மருத்துவக் கல்லூரி மருத்துவமனைக்கு அனுப்பி வைத்தனர்.

மேலும் இந்த கொலை தொடர்பாக வழக்கு பதிவு செய்து சிவலிங்கத்தை கைது செய்து விசாரணை நடத்தி வருகின்றனர். கணவன் தன் மனைவியின் கழுத்தை அறுத்துக் கொலை செய்த சம்பவம் அப்பகுதியில் பரபரப்பை ஏற்படுத்தி உள்ளது.