வெற்றி பெற்ற வேட்பாளருடன் வழிபாடு செய்த அமைச்சர் டி.ஆர்.பி.ராஜா!

கோவை மக்களவைத் தொகுதியில் திமுக வேட்பாளர் கணபதி ராஜ்குமார் வெற்றி பெற்று மக்களவை உறுப்பினராக தேர்வு செய்யப்பட்டார். நேற்றிரவு வாக்கு எண்ணிக்கை மையத்தில் இருந்து அமைச்சர் டி.ஆர்.பி ராஜாவுடன் காந்திபுரம் பகுதிக்குச் சென்ற மக்களவை உறுப்பினர் கணபதி ராஜ்குமார் அண்ணா மற்றும் பெரியார் சிலைகளுக்கு மாலை அணிவித்து மரியாதை செலுத்தினார். இந்நிலையில் இன்று காலை கோவை மருதமலை முருகன் கோவிலுக்கு அமைச்சர் டி.ஆர்.பி ராஜாவுடன் கணபதி ராஜ்குமார் சென்றார்.அவருடன் கட்சி நிர்வாகிகளும் சென்று இருந்தனர்.முருகன் கோவிலில் வழிபாடு நடத்திய கணபதி ராஜ்குமார் அங்கிருந்த பிற கோவில்களிலும் வழிபாடு செய்தார்.