வீட்டில் நிறுத்தப்பட்ட மோட்டார் பைக் திருட்டு - மர்ம நபர்கள் கைவரிசை

திருச்சி மாவட்டம் சமயபுரம் அருகே நம்பர் 1 டோல்கேட் சங்கராநகரை சேர்ந்தவர் 60 வயதான குமரன். இவர் தனது மோட்டார் பைக்கை வீட்டில் நிறுத்திவிட்டு வேலைக்கு சென்றுள்ளார். பின்னர் வீட்டிற்கு திரும்பி வந்து பார்த்தபோது மோட்டார் பைக் மாயமாகி இருந்தது. மர்ம நபர்கள் மோட்டார் பைக்கை திருடிச் சென்றனர்.இதனால் அதிர்ச்சி அடைந்த குமரன் இதுகுறித்து கொள்ளிடம் காவல் நிலையத்தில் புகார் கொடுத்தார்.புகாரின் பேரில் கொள்ளிடம் போலீசார் வழக்கு பதிவு செய்து மோட்டார் பைக்கை திருடிச் சென்ற மர்ம நபர்களை வலை வீசி தேடி வருகின்றனர்.