மூலனூர் அரசு மாதிரி மேல்நிலைப் பள்ளியில் முப்பெரும் விழா

மூலனூர் அரசு மாதிரி மேல்நிலைப்பள்ளி ஆண்டு விழா மற்றும் விளையாட்டு விழா, மாணவியர் விடுதி விழா, என முப்பெரும் விழா நடைபெற்றது. பள்ளி தலைமை ஆசிரியர் ஆனந்தன் விழாவிற்கு தலைமை தாங்கினார். பெற்றோர் ஆசிரியர் சங்கத் தலைவர் சண்முகம் முன்னிலை வகித்தார். மூலனூர் பேரூராட்சித் தலைவர் மக்கள் தண்டபாணி சிறப்பு விருந்தினராக கலந்து கொண்டார். பள்ளி உதவி தலைமை ஆசிரியர் மேனகா அனைவரையும் வரவேற்றார். விழாவை முன்னிட்டு மாணவ மாணவிகளுக்கு சைக்கிள் மற்றும் பரிசுகள் வழங்கப்பட்டது. பள்ளியில் முதல் மதிப்பெண் பெற்ற மற்றும் இலக்கிய விளையாட்டு போட்டிகள் ஆகியவற்றில் வெற்றி பெற்ற மாணவ மாணவிகளுக்கு பரிசுகள் வழங்கப்பட்டது. விழாவில் பெற்றோர் உட்பட ஏராளமானோர் கலந்து கொண்டனர்.