தேசிய கூட்டணி வெல்வது நிச்சயம் - ஜி.கே. வாசன்

தேசிய ஜனநாயக கூட்டணி சார்பில் தமிழ் மாநில காங்கிரஸ் கட்சியின் மாநில தலைவர் ஜி.கே.வாசன் தொப்பூரில் பகுதியில் பாமக வேட்பாளர் சௌமியா அன்புமணியை ஆதரித்து பிரச்சாரம் செய்தார்.

பிரச்சாரத்திற்கு பின்னர் அவர் பேட்டியில் கூறியதாவது, தர்மபுரியில் நீண்ட இடைவேளைக்குப்பின் பெண் வேட்பாளரை அறிவித்திருப்பது மிகப்பெரிய வரவேற்பை பெற்றுள்ளது. தாயுள்ளத்தோடு எல்லோருடனும் சௌமியா அன்புமணி பழகும் விதம், அவர் கொடுக்கும் நம்பிக்கையின் அடிப்படையில் மாம்பழம் சின்னத்திற்கு இந்த பகுதியில் பெரும்பாலானவர்கள் வாக்களிக்கும் பிரகாசமான நிலை ஏற்பட்டுள்ளது. நீண்ட நாள் பிரச்சனைகளை தீர்க்கக் கூடிய வேட்பாளராக, ஒன்றிய அரசோடு ஒத்த கருத்துடையவரா உள்ளார். சௌமியா அன்புமணி இங்கு உள்ள அனைவருக்கும் நம்பிக்கை கொடுக்கும் வகையில் வாக்குகளை சேகரித்துக் கொண்டிருக்கிறார்.

நகரத்திலிருந்து கிராமம் வரை அனைவரது எண்ணங்களையும் பிரதிபலிக்கும் வகையில் நம்பிக்கையை கொடுத்து வருகிறார். பாஜக கூட்டணி வெற்றி பிரகாசமாக உள்ளது. இந்த கூட்டணி 2026 சட்டமன்றத் தேர்தலிலும் தொடரும் என்ற நம்பிக்கையோடு வாக்காளர்கள் வாக்களிக்க முன்வந்துள்ளனர். மோடி தலைமையிலான அரசை மூன்றாவது முறையாக ஆட்சியை மக்கள் கொண்டு வருவார்கள். ராமதாஸ் அனுபவம் மிக்க மூத்த தலைவர். மக்களின் எண்ணங்களை பிரதிபலித்துள்ளார் என்பதை நிரூபிக்கும் வகையில் தமிழகத்திலே சரியான கூட்டணியில் சேர்ந்து இருக்கிறார். கடந்த 70 வருடங்களில் இந்தியாவில் கிடைக்காத திட்டங்களை 10 வருடங்களில் கொண்டு வந்த சாதனை பிரதமர் நரேந்திர மோடிக்கு உண்டு. அவருடைய சாதனையே. அவருக்கு வெற்றி. இவ்வாறு பேட்டியில் கூறினார்.