அக்கச்சிப்பட்டி பள்ளியில் தேசிய அறிவியல் தின விழா

கந்தர்வகோட்டை ஒன்றியம், அக்கச்சிப்பட்டி ஊராட்சி ஒன்றிய நடுநிலைப் பள்ளியில் தேசிய அறிவியல் தினம் கொண்டாடப்பட்டது.விழாவுக்கு, மாவட்டக் கல்வி அலுவலர் (தொடக்க கல்வி) செந்தில் தலைமை வகித்தார். ஒருங்கிணைந்த பள்ளி கல்வியின் மாவட்ட உதவித் திட்ட அலுவலர் (தொடக்க கல்வி) கோவிந்தன், வட்டாரக் கல்வி அலுவலர் வெங்கடேஸ்வரி தமிழ்நாடு அறிவியல் இயக்க மாவட்ட தலைவர் முத்துக்குமார் ஆகியோர் முன்னிலை வகித்தனர்.

மருத்துவர் த. சுவாமிநாதன் தேசிய அறிவியல் தின விழாவை தொடங்கி வைத்தார். ஊராட்சி மன்ற தலைவர் அ.கங்காதரன், வட்டார வளமைய மேற்பார்வையாளர் பிரகாஷ், இல்லம் தேடி கல்வித் திட்ட மாவட்ட ஒருங்கிணைப்பாளர் கலையரசன், தமிழ்நாடு அறிவியல் இயக்க கந்தர்வகோட்டை வட்டாரத் தலைவர் துரையரசன் ஆகியோர் வாழ்த்துரை வழங்கினார். நிகழ்ச்சியில் பள்ளி மேலாண்மை குழு தலைவர் இலக்கியா, வார்டு உறுப்பினர் கலாராணி, ஆசிரியர்கள் மணிமேகலை, நிவின், தற்காலிக ஆசிரியர் தனலட்சுமி, கௌரி உள்ளிட்டோர் கலந்து கொண்டனர். ஆசிரியர் வெள்ளைச்சாமி நன்றி கூறினார்.