மகுடஞ்சாவடியில் தி.மு.க. சார்பில் நீர்மோர் பந்தல்

சேலம் மாவட்டம், மகுடஞ்சாவடி ஒன்றிய தி.மு.க. சார்பில் நீர்மோர் பந்தல் திறப்பு நிகழ்ச்சி நடைபெற்றது. ஒன்றிய தி.மு.க. செயலாளர் பச்சமுத்து தலைமை தாங்கினார். சேலம் மேற்கு மாவட்ட தி.மு.க. செயலாளர் டி.எம்.செல்வகணபதி கலந்து கொண்டு நீர்மோர் பந்தலை திறந்து வைத்து பொதுமக்களுக்கு நீர்மோர், கம்மங்கூழ், இளநீர், வெள்ளரிக்காய் உள்ளிட்டவகைளை வழங்கினார். இதில் மாவட்ட துணை செயலாளர் சம்பத், பொதுக்குழு உறுப்பினர் அன்பழகன், மாவட்ட மாணவரணி அமைப்பாளர் கண்ணன் மற்றும் தி.மு.க. நிர்வாகிகள், தொண்டர்கள், பொதுமக்கள் கலந்து கொண்டனர்.