நாமக்கல் கவிஞர் நினைவு இல்ல நூலகத்தில் நேதாஜி் பிறந்தநாள் விழா

நாமக்கல் கவிஞர் நினைவு இல்ல நூலகத்தில் நாமக்கல் கவிஞர் நினைவு இல்ல நூலக வாசகர் வட்டம் நாமக்கல் கவிஞர் சிந்தனை பேரவை சார்பில் நேதாஜி் பிறந்தநாள் விழா நடைபெற்றது. நூலகர் செல்வம் அனைவரையும் வரவேற்றார். வாசகர் வட்ட தலைவர் டி.எம்.மோகன் அறிமுக உரை நிகழ்த்தினார். மகாத்மா காந்தி சிலை அமைப்பு குழு துணை தலைவர் செல்லப்பன் நேதாஜி படத்துக்கு மாலை அணிவித்து மலர் தூவி மரியாதை செலுத்தினார். ஆன்மீக இந்து சமயப் பேரவை கௌரவ தலைவர் ஏகாம்பரம் நேதாஜி பற்றி சிறப்புகளை எடுத்துக் கூறினார். விழாவில் புரவலர் கண்ணன் அனைவருக்கும் இனிப்பு வழங்கினர். சிறப்பு விருந்தினர்களாக நாமக்கல் கவிஞரின் பேரன்கள் நடராஜன், பழனியப்பன், பாண்டியன், பேத்தி பூங்கோதை கலந்துகொண்டு நேதாஜி படத்துக்கு மலர் தூவி மரியாதை செலுத்தினர். மேலும் நூலகப் புரவலர்கள் வடிவேல், நடராஜன், செங்கோடன், இன்ஜினியர் மணி, கமால்பாஷா, மருதமுத்து, அன்பானந்தன் உள்ளிட்ட பலரும் விழாவில் கலந்து கொண்டனர். இறுதியில் வாசகர் வட்ட பொருளாளர் அன்புச்செல்வன் நன்றி கூறினார்.