தூத்துக்குடி மாவட்டம் சாத்தான்குளம் அருகே பேய்குளம் பகுதியில் இன்று அதிமுக சார்பாக புதிய டிஜிட்டல் உறுப்பினர் அட்டை வழங்கு நிகழ்ச்சி நடைபெற்றது. இந்த நிகழ்ச்சிக்கு முன்னால் அமைச்சர் அதிமுக தெற்கு மாவட்ட செயலாளர் எஸ். பி சண்முகநாதன் கலந்து கொண்டு கட்சி நிர்வாகிகளுக்கு புதிய உறுப்பினர் டிஜிட்டல் அட்டையை வழங்கினார். அப்போது அவர் பேசியபோது தமிழ்நாட்டில் மிகப்பெரிய கட்சி அதிமுக தான் எம்ஜிஆர் காலத்தில் இருந்து பல நடிகர்கள் அரசியலுக்கு வந்து எங்கே சென்றார்கள் என்று தெரியவில்லை அது போல தான் ரஜினி கமல் என்று கூறினார். விஜயகாந்த் கூட அதிமுக கூட்டணியில் இருந்து தேர்தலை சந்தித்தபோதுதான் எதிர்க்கட்சித் தலைவராக வந்தார். அதுபோல தான் தமிழகத்தில் புதிதாக விஜய் அரசியலுக்கு வந்திருக்கிறார் .இவர் ஒரு தேர்தலுக்கு கூட களத்தில் நின்று செயல்பட முடியாது. ரஜினியை விடவா தமிழகத்தில் விஜய்க்கு ரசிகர் அதிகம் என்று அவர் கூறினார். தமிழ்நாட்டில் அதிமுக தான் மிகப்பெரிய கட்சியாக இருக்கிறது. வருகின்ற தேர்தலில் அதிமுக கூட்டணி தான் வெற்றி பெறும் என்று அவர் கூறினார்...