முதியவர் தற்கொலை -காவல்துறையினர் விசாரணை
தர்மபுரி மாவட்டம், பாடி பூசாலிக்கொட்டாய் பகுதியில் முதியவர் தற்கொலை செய்து கொண்ட சம்பவம் குறித்து காவல்துறையினர் விசாரணை மேற்கொண்டு வருகின்றனர்.
Update: 2024-02-10 08:25 GMT
தர்மபுரி மாவட்டம், பென்னாகரம் சட்டமன்ற தொகுதி பாப்பாரப்பட்டி அருகே பாடி பூசாலிக்கொட்டாய் பகுதியை சேர்ந்தவர் சின்னசாமி இவருக்கு வயது 65, இவர் தனது வீட்டின் பின்புறம் உள்ள பழைய ஓட்டு வீட்டின் விட்டத்தில் சேலையால் தூக்குப் போட்டு கொண்டார். இதனை பார்த்த உறவினர்கள் அவரை மீட்டு பாப்பாரப்பட்டியில் உள்ள தனியார் மருத்துவமனையில் சேர்த்தனர்.
அங்கு சின்னசாமியை பரிசோதித்த டாக்டர்கள் அவர் ஏற்கனவே இறந்து விட்டதாக தெரிவித்தனர். இதனை தொடர்ந்து பாப்பாரப்பட்டி காவல்துறையினர் சின்னசாமியின் உடலை கைப்பற்றி பிரேத பரிசோதனைக்காக தர்மபுரி அரசு மருத்துவக்கல்லூரி மருத்துவ மனைக்கு அனுப்பி வைத்தனர். இந்த சம்பவம் தொடர்பாக பாப்பாரப்பட்டி காவல்துறையினர் வழக்குப் பதிவு செய்து விசாரணை நடத்தி வருகின்றனர்.