ஸ்ரீபெரும்புதுார் அரசு பள்ளிக்கு ஸ்மார்ட் போர்டு வழங்கல்

காஞ்சிபுரம் மாவட்டம் ஸ்ரீபெரும்புதுார் அரசு அலுவலர் குடியிருப்பு, ஊராட்சி ஒன்றிய நடுநிலைப் பள்ளிக்கு, 'ஸ்மார்ட் போர்டு' வழங்கப்பட்டது. 'நம்ம ஊரு - நம்ம பள்ளி' திட்டத்தில், ஜே.கே., டயர் மற்றும் டிரீம் பவுண்டேஷன் டிரஸ்ட் இணைந்து, அரசு பள்ளி மாணவர்களின் தேடல் மற்றும் கற்றல் திறனை மேம்படுத்தும் வகையில் காஞ்சிபுரம் மாவட்டத்தில் உள்ள, 8 அரசு தொடக்கப் பள்ளிக்கு 10.80 லட்சம் ரூபாய் மதிப்பில் ஸ்மார்ட் போர்டு வழங்கி வருகிறது. அந்த வகையில், ஸ்ரீபெரும்புதுார் அரசு அலுவலர் குடியிருப்பு, ஊராட்சி ஒன்றிய நடுநிலைப் பள்ளியில், 1.3 லட்சம் ரூபாய் மதிப்பில், 'ஸ்மார்ட் போர்டை', டிரீம் பவுண்டேஷன் டிரஸ்ட் மேலாளர், பள்ளி தலைமை ஆசிரியர் இனிய செல்வியிடம் வழங்கினார். உடன், உதவி ஆசிரியர் விசாலாட்சி, பட்டதாரி ஆசிரியர் உமாதேவி உட்பட பலர் பங்கேற்றனர்.