தொட்டியம் பகுதியில் பாரிவேந்தா் பிரசாரம் !

முசிறி தொகுதிக்குட்பட்ட மணமேடு, கொளக்குடி, தொட்டியம், மேற்கு அலகரை, ஏலூா்பட்டி, காட்டுப்புத்தூா், பாலசமுத்திரம் உள்ளிட்ட பகுதிகளில் வாக்கு சேகரித்து பாரிவேந்தா் பேசியது: கடந்த முறை தோ்தலில் போட்டியிட்டபோது கொடுத்த வாக்குறுதிகளை நிறைவேற்றியுள்ளேன். இலவச கல்வித் திட்டம் தொடரும். நீராதாரம் உயரப் பாடுபடுவேன். மேலும் பல்வேறு திட்டங்களையும் செயல்படுத்துவேன். எனவே வரும் மக்களவைத் தோ்தலில் என்னை வெற்றி பெறச் செய்ய வேண்டும் என்றாா். பிரசாரத்தின்போது இந்திய ஜனநாயக கட்சியின் தலைவா் ரவி பச்சமுத்து, பொதுச் செயலா் ஜெயசீலன், திருச்சி வடக்கு மாவட்டத் தலைவா் கருணாகரன், பாஜக பெரம்பலூா் நாடாளுமன்றத் தொகுதி பொறுப்பாளா் லோகிதாசன், பாஜக மாவட்ட துணைத் தலைவா் மணி, பாமக கருணாநிதி, தமிழக மக்கள் முன்னேற்றக் கழகம் ஜே. பி. சண்முகம், தமாகா ரவிச்சந்திரன், கே. கே .எஸ். சுப்பிரமணி, ஒபிஎஸ் அணி மாவட்டச் செயலா் ரத்தினவேலு உள்ளிட்டோா் உடனிருந்தனா்.