சேதமடைந்த நிழற்கூரை புதிதாக அமைக்கப்படுமா?

செங்கல்பட்டு மாவட்டம்,திருப்போரூர் - திருக்கழுக்குன்றம் சாலையில், அகரம் கிராமம் சிவன் கோவில் அருகே, பயணியர் நிழற்கூரை கட்டப்பட்டுள்ளது. இந்த நிழற்கூரையை, சந்தினாம்பட்டு, குன்னப்பட்டு, தட்சிணாவர்த்தி உள்ளிட்ட கிராமங்களை சார்ந்தோர், ஜப்பான் தொழில் நகரம் செல்லும் தொழிலாளிகள் பயன்படுத்துகின்றனர். இந்த நிழற்கூரையில் மேற்கூரை பழுதடைந்து விரிசல் ஏற்பட்டுள்ளது. இதனால், பொதுமக்கள் நிழற்கூரைக்குள் அமர்வதற்கு அச்சப்படுகின்றனர். நிழற்கூரை கட்டடம் கீழே விழும் அபாயம் உள்ளதால், இடித்துவிட்டு புதிதாக பேருந்து நிறுத்த நிழற்கூரை கட்டுவதற்கு, மாவட்ட நிர்வாகம் நடவடிக்கை எடுக்க வேண்டும் என, அப்பகுதிவாசிகள் வேண்டுகோள் விடுத்து உள்ளனர்.