1,500 வகையான வண்ண ரோஜா செடிகள் நடவு பணி

கொடைக்கானலில் உள்ள ரோஜா பூங்காவில் சுற்றுலா பயணிகளை கவரும் வகையில் 16,000கும் மேற்பட்ட ரோஜா செடிகளும், 1,500 வகையான வண்ண பூக்கள் பூக்கும் ரோஜா செடிகளும் நடவு செய்யப்பட்டுள்ளன. இந்த ரோஜா செடிகளுக்கு கவாத்து செய்யும் பணி நேற்று தொடங்கியது. மேலும் கவாத்து பணியுடன் நோய்களில் இருந்து ரோஜா செடிகளை பாதுகாக்கும் வகையில் பூஞ்சை தடுப்பு மருந்து மற்றும் இயற்கை உரங்கள் இடும் பணியும் நடைபெற்று வருகிறது.