மயிலாடுதுறையில் ஜூனியர் சாம்பியன் கபாடி போட்டிக்கு வீரர்கள் தேர்வு

. மாநில அளவிலான 49-வது ஜுனியர் சாம்பியன் கபாடி போட்டிகள் ஆண்களுக்கு கோவையில் ஜனவரி 14, 15 மற்றும் 16-ம் தேதிகளிலும் பெண்களுக்கான கபாடி போட்டிகள் கிருஷ்ணகிரி மாவட்டத்தில் ஜனவரி 25, 26 மற்றும் 27-ம் தேதிகளிலும் நடைபெற உள்ளது.

இதில் மயிலாடுதுறை மாவட்டத்திற்கான அணிகள் தேர்வு சாய் விளையாட்டு மைதானத்தில் அமெச்சூர் கபாடி கழகம் சார்பில் நடைபெற்றது. ஆண்கள் அணிக்கு 130 வீரர்களும், பெண்கள் அணிக்கு 70 வீராங்கணைகளும் இந்த தேர்வில் கலந்துகொண்டு, ஆக்ரோஷமாக மோதிக்கொண்டு தங்கள் திறமைகளை வெளிப்படுத்தினர்.

முடிவில், ஒவ்வொரு அணிக்கும் தலா 12 வீரர்கள் தேர்வு செய்யப்பட்டு அவர்கள் மாநில போட்டியில் கலந்து கொள்ள தகுதி பெற்றனர். முன்னதாக, பொறுக்குத் தேர்வில் கலந்துகொண்ட வீரர்-வீராங்கனைகளை மாவட்ட அமெச்சூர் கபாடி கழகத்தலைவர் ரஜினி உள்ளிட்ட நிர்வாகிகள் வாழ்த்து தெரிவித்து உற்சாகப்படுத்தினர்.