பா.ஜனதா சார்பில் பொங்கல் விழா

விழுப்புரம் ,தெற்கு மாவட்ட பா.ஜனதா கட்சியின் சார்பில் பொங்கல் விழா டி.தேவனூர் கிராமத்தில் நடைபெற்றது. இதில் பா.ஜனதா பெண் நிர்வாகிகள் மற்றும் தொண்டர்கள் கலந்து கொண்டு பொங்கல் வைத்து படையலிட்டு வழிபட்டனர்.

தொடர்ந்து பரதநாட்டியம், நாட்டுப்புறப்பாடல்கள் உள்ளிட்ட கலைநிகழ்ச்சிகள் நடைபெற்றன. இதில் திருக்கோவிலூர் சட்டமன்ற தொகுதிக்குக்குட் பட்ட பா.ஜனதா நிர்வாகிகள் பலருக்கும் விழுப்புரம் தெற்கு மாவட்ட பா.ஜ.க. சார்பில் மாவட்ட தலைவர் வி.ஏ.டி. கலிவரதன் பொங்கல் பரிசு வழங்கினார்.

நிகழ்ச்சியில் தெற்கு மாவட்ட சுற்றுச் சூழல் பிரிவு தலைவர் என்.ஆர்.கே.என்கிற என்.ராதாகிருஷ்ணன், மையக்குழு நிர்வாகிகள் முரளி, சதாசிவம், தங்கம் மற்றும் நிர்வா கிகள் பலர் கலந்துகொண்டனர்.