சிவகாசி அருகே சாலை விபத்தில் அச்சக அதிபர் பலி...

விருதுநகர் மாவட்டம்,சிவகாசி அருகே பாரைப்பட்டி கிராமத்தை சேர்ந்தவர் பாஸ்கர் (58).இவர் சிவகாசியில் அச்சகம் நடத்தி வருகிறார்.சம்பவத்தன்று இரவு பணி முடிந்து தனது டூவீலரில் வீட்டிற்கு திரும்பி செல்லும் போது, சிவகாசி-சாத்தூர் மெயின் ரோட்டில் வரும் போது எதிரே வந்த டூவீலர் மோதி நிலை தடுமாறி கீழே விழுந்துள்ளார். அப்போது பின்னால் வந்த லாரி பாஸ்கர் மீது ஏறியதாக கூறப்படுகிறது.இதில் பலத்த காயம் அடைந்த அவரை அருகில் இருந்தவர்கள் மீட்டு சிகிச்சைக்காக சிவகாசி அரசு மருத்துவமனைக்கு கொண்டு செல்லும் வழியில் உயிரிழந்தார். இது குறித்து சிவகாசி கிழக்கு போலீசார் வழக்குபதிவு செய்து விசாரணை நடத்தி வருகின்றனர்.