ராமநவமி : ராமர், சீதை திருவீதி உலா
குமாரபாளையம் விட்டலபுரி பாண்டுரங்கர் கோவிலில் நடந்த ராமநவமி திருக்கல்யாண உற்சவத்தில் சீதா, ராமர் வேடமணிந்து சிறுவர், சிறுமியர் கலந்து கொண்டனர்.
Update: 2024-05-02 08:51 GMT
சீதா, ராமர் வேடமணிந்த குழந்தைகள்
ராமநவமி விழாவையொட்டி குமாரபாளையம் விட்டலபுரி, பாண்டுரங்கர் கோவிலில் தினமும் சிறப்பு வழிபாடுகள் நடத்தப்பட்டு வருகிறது. ராமர், சீதை கொலு வைக்கப்பட்டு சிறப்பு வழிபாடுகள் நடத்தப்படுகிறது. தினமும் பக்தி பாடல்கள் நிகழ்ச்சி நடந்து வருகிறது. ராமர், சீதா தேவி சுவாமிகளின் திருக்கல்யாண உற்சவம் நடந்தது. சுவாமிகளுக்கு சிறப்பு அபிஷேக, அலங்கார, ஆராதனைகள் நடந்தன. ராமர், சீதை வேடமிட்ட குழந்தைகளுடன் பக்தி பாடல்கள் பாடியவாறு திருவீதி உலா நடந்தது. பக்தர்களுக்கு பிரசாதம், இனிப்புகள் மற்றும் அன்னதானம் வழங்கப்பட்டது.