ரமணா பப்ளிக் பள்ளி 100 சதவீதம் தேர்ச்சி

திருக்கோவிலுார் அடுத்த காட்டுச்செல்லுார் ஸ்ரீ ரமணா பப்ளிக் மேல்நிலைப் பள்ளியில் 10 மற்றும் பிளஸ் 2 வகுப்பில் 100 சதவீத தேர்ச்சி பெற்ற மாணவர்கள் மற்றும் ஆசிரியர்களை பள்ளி நிர்வாகத்தின் சார்பில் பாராட்டப்பட்டது. இப்பள்ளியில் இந்த ஆண்டு பத்தாம் வகுப்பு சி.பி.எஸ்.இ., தேர்வு எழுதிய அனைத்து மாணவர்களும் தேர்ச்சி பெற்றனர். அதேபோல் பிளஸ் 2 தேர்விலும் மாணவர்கள் 100 சதவீத தேர்ச்சியை பெற்றனர். தேர்ச்சி பெற்ற மாணவர்கள் மற்றும் பாடுபட்ட ஆசிரியர்களுக்கு பள்ளி நிர்வாகத்தின் சார்பில் பாராட்டு விழா நடந்தது. பள்ளி தாளாளர் பாஸ்கரன் மாணவர்கள் மற்றும் ஆசிரியர்களை பாராட்டி சால்வை அணிவித்து பரிசு வழங்கினார்.