சேலம் : கஞ்சா கடத்த முயன்ற கோவை வாலிபர் கைது

சேலத்தில் இருந்து கஞ்சா கடத்தப்படுவதாக போலீசாருக்கு ரகசிய தகவல் கிடைத்தது. அதன்பேரில் போதை பொருள் தடுப்பு பிரிவு போலீஸ் சிறப்பு சப்-இன்ஸ்பெக்டர் பழனிசாமி தலைமையில் போலீசார் சேலம் புதிய பஸ் நிலையத்தில் வாகன சோதனை நடத்தினர். அப்போது சந்தேகப்படும் படி நின்று கொண்டிருந்த வாலிபரை பிடித்து போலீசார் விசாரணை நடத்தினர். அவர் கோவை மாவட்டம் கிச்சானூர் பகுதியை சேர்ந்த ஜெயக்குமார் (27) என்று தெரிந்தது. பின்னர் அவர் வைத்திருந்த பையில் சோதனை செய்த போது அதில் 2 கிலோ கஞ்சா மற்றும் போதை பவுடர் இருப்பது தெரிந்தது. தொடர்ந்து அவரிடம் விசாரணை நடத்திய போது ஆந்திர மாநிலத்தில் இருந்து கோவைக்கு கஞ்சா கடத்த முயன்றது தெரியவந்தது. இதையடுத்து அவரை போலீசார் கைது செய்தனர். அவாிடம் கஞ்சா மற்றும் போதை பவுடரை பறிமுதல் செய்தனர்.