எடப்பாடி : வீட்டின் பூட்டை உடைத்து 15 பவுன் நகை கொள்ளை..!

சேலம் மாவட்டம் எடப்பாடி நகராட்சிக்குட்பட்ட மேட்டுதெரு பகுதியில் வசிக்கும் ராஜவேல், மனைவி இறந்த நிலையில் இரண்டு மகள்களுடன் அப்பகுதியில் குடியிருந்து கொண்டு அரசு போக்குவரத்து பணிமனையில் மெக்கானிக்காக பணியாற்றி வருகிறார்... இந்த நிலையில் நேற்று மாலை வழக்கம் போல் பணிக்கு செல்லும்போது அருகில் உள்ள பாட்டி வீட்டில் இரண்டு மகள்களையும் உறங்க அனுப்பிவிட்டு பணிக்குச் சென்று விட்டு காலை வந்து பார்த்த பொழுது வீட்டின் கதவு உடைக்கப்பட்டு இருந்ததை கண்டு அதிர்ச்சி அடைந்த ராஜவேல், பீரோவில் இருந்த 11 பவுன் நகை, வெள்ளி கொலுசு ஆகிய பொருட்கள் திருட்டுப் போனது தெரிய வந்தது... உடனடியாக எடப்பாடி காவல் துறையினருக்கு தகவல் தெரிவித்ததின் பேரில் கைரேகை நிபுணர்களுடன் போலீசார் தடயங்கள் உள்ளதா என சேகரித்து வந்ததோடு, கொள்ளையடித்த மர்ம நபர்கள் கொள்ளையடித்த வீட்டின் அருகே வெளியில் நிறுத்தி வைக்கப்பட்டிருந்த டிவிஎஸ் எக்ஸ்எல் இருசக்கர வாகனத்தையும் மர்ம நபர்கள் திருடி சென்றுள்ளனர். நள்ளிரவில் அடுத்தடுத்து இரண்டு வீடுகளில் மர்ம நபர்கள் கொள்ளையடித்து சென்ற சம்பவம் குறித்து எடப்பாடி போலீசார் வழக்கு பதிவு செய்து தீவிர விசாரணை மேற்கொண்டு வருகின்றனர்.