சேலம் : தமிழ்நாடு கிராம ஊழியர்கள் சங்கத்தினர் காத்திருப்பு போராட்டம்

தமிழ்நாடு வருவாய் கிராம ஊழியர்கள் சங்கம் சார்பில் பல்வேறு கோரிக்கைகளை வலியுறுத்தி சேலம் மேற்கு தாலுகா அலுவலகம் முன்பு நேற்று காத்திருப்பு போராட்டம் நடத்தப்பட்டது. வட்ட தலைவர் ராஜா தலைமை தாங்கினார். மேற்கு வட்ட செயலாளர் சத்தியநாதன் முன்னிலை வகித்தார். இதில் சிறப்பு அழைப்பாளராக மாவட்ட துணை தலைவர் ரமேஷ் கலந்து கொண்டு 14 அம்ச கோரிக்கைகளை விளக்கி பேசினார். போராட்டத்தின் போது கோரிக்கைளை வலியுறுத்தி நேற்று மதியம் 3.30 மணி முதல் மாலை 6 மணி வரை காத்திருப்பு போராட்டம் நடந்தது. இதில் தமிழ்நாடு வருவாய் கிராம ஊழியர் சங்க நிர்வாகிகள், ஊழியர்கள் உள்பட பலர் கலந்து கொண்டனர், வட்ட பொருளாளர் முருகன் நன்றி கூறினார்.