வாரச்சந்தையில் ஆடுகள் விற்பனை நிலவரம் !

திண்டுக்கல் அருகே கோபால்பட்டியில் வாரந்தோறும் ஒவ்வொரு சனிக்கிழமைகளில் வாரச்சந்தை நடைபெறுவது வழக்கம். அந்த வகையில் இன்று நடைபெற்ற வாரச்சந்தையில் திண்டுக்கல், சித்தையன்கோட்டை, நத்தம், கோசுகுறிச்சி இருந்து வெள்ளை, செம்மறி ஆடுகளை வாங்க பொதுமக்கள் மற்றும் வியாபாரிகள் அதிகளவில் குவிந்தனர். சுப நிகழ்ச்சிகளில் சமையலுக்கு பயன்படுத்தவும், வைகாசி மாதத்தில் கோவில்களில் நடைபெறும் திருவிழாக்களில் தங்களின் வேண்டுதலை நிறைவேற்றும் விதமாகவும் ஆடுகள் அதிக அளவில் விற்பனையானது. இதில் ஒவ்வொரு ஆடுகளும் சுமார் 5 ஆயிரம் முதல் 20 ஆயிரம் ரூபாய் வரை விற்பனையானது. கோபால்பட்டியில் இன்று நடைபெற்ற ஆட்டுச்சந்தையில் 5 கோடி ரூபாய்க்கு மேல் விற்பனையானதால் வியாபாரிகளும் விற்பனையாளர்களும் மகிழ்ச்சி அடைந்தனர்.