அனுமதி இன்றி கிராவல் மண் எடுத்துச் சென்ற லாரி பறிமுதல்

தர்மபுரிபுவியியல் மற்றும் சுரங்கதுறை உதவி புவியியலாளர் புவன மாணிக்கம் மற்றும் குழுவினர் தர்மபுரி அடுத்த ராஜா பேட்டையில் வாகன தணிக்கை நேற்று மாலை மேற்கொண்டனர். அப்போது அந்த வழியாக வந்த ஒரு டிப்பர் லாரியை நிறுத்தி சோதனை செய்தனர். அதில் உரிய அனுமதியின்றி ஒரு யூனிட் கிராவல் மண் கடத்தியது தெரியவந்தது. டிப்பர் லாரியின் டிரைவர் அங்கிருந்து தப்பி ஓடிவிட்டார். இதைத் தொடர்ந்து டிப்பர் லாரியை பறிமுதல் செய்து தர்மபுரி நகர பி1காவல் நிலையத் தில் ஒப்படைத்தனர். இது தொடர்பாக தர்மபுரி நகர பி1 காவல் நிலைய உதவி ஆய்வாளர் விஜயசங்கர் வழக்குப்பதிவு செய்து தப்பியோடிய டிப்பர் லாரி ஓட்டுநரை வலைவீசி தேடி வருகிறார்.