பதவி உயர்வு பெற்ற சிறப்பு காவல் உதவி ஆய்வாளர்களுக்கு எஸ் பி பாராட்டு.

 காவல்துறையில் 25 ஆண்டுகள் பணி நிறைவு செய்து, சிறப்பு காவல் உதவி ஆய்வாளராக உயர்வு பெற்ற காவல்துறையினருக்கு மாவட்ட காவல் கண்காணிப்பாளர் பிரபாகர் பாராட்டு. கரூர் மாவட்ட காவல் கண்காணிப்பாளர் அலுவலகத்தில், இன்று நடைபெற்ற விழாவில், கடந்த 1999 ஆம் ஆண்டு மே 24ஆம் தேதி இரண்டாம் நிலை காவலராக பணியில் சேர்ந்து 25 ஆண்டுகள் பணி நிறைவு செய்து, 2024 ஆம் ஆண்டு ஜூன் ஒன்றாம் தேதி அன்று சிறப்பு உதவி ஆய்வாளராக பதவி உயர்வு பெற்ற 31 சிறப்பு உதவி ஆய்வாளர்கள், இன்று கரூர் மாவட்ட காவல் கண்காணிப்பாளர் அலுவலகத்தில், காவல் கண்காணிப்பாளர் பிரபாகர் அவர்களை சந்தித்து வாழ்த்துக்களை பெற்றனர்.

கரூர் மாவட்ட காவல் கண்காணிப்பாளர் பிரபாகர், பதவி உயர்வு பெற்ற 31 சிறப்பு உதவி ஆய்வாளர்களுக்கும் பரிசு வழங்கி அவர்களின் பணி சிறக்க வாழ்த்தினார். மேலும்,பதவி உயர்வு பெற்ற 31 சிறப்பு உதவி ஆய்வாளர்களையும் கரூர் மாவட்டத்தில் உள்ள பல்வேறு காவல் நிலையங்களில் பணியமர்த்தப்பட்டுள்ளனர் எனவும் பிரபாகர் தெரிவித்துள்ளார்.